“Përgjumje, dhimbje koke, irritim”- Mjekja Ibranji tregon pasojat e kondicionerit

Mjekja alergologe Alkerta Ibranji është shprehur se qëndrimi në dhoma me ajër të kondicionuar për një kohë të gjatë sjell bllokim të rrugëve të frymëmarrjes, irritim dhe skuqje të syve, bllokim të rrugëve të frymëmarrjes, përgjumje dhe kruarje të lëkurës.

Komentet Ibranji i bëri në emisionin “Good Morning Albanians” në Euronews, ku tha se kjo vjen për shkak se në ambientet me ajër të kondicionuar mungon lagështia e ajrit.

Sipas saj, në një ambient të caktuar duhet me patjetër një burim natyral ajri, për mirëfunksionimin e organizmit të njeriut.

“Të gjitha dhomat dhe ambientet me ajër të kondicionuar iu mungon një element shumë i rëndësishëm që është lagështia e ajrit. Lagështia e ajrit është shumë e rëndësishme për funksionimin e mukozave, të rrugëve të frymëmarrjes dhe të syve.

Dhe kur t’i rri gjatë në një ambient me ajër të kondicionuar nis kruarja e syve, irritomi dhe skuqja e syve, tharja e lëkurës që indirekt shoqërohet edhe me një ndjesi të kruarjes së lëkurës.

Ekspozimi për orë të gjata me temperatura shumë të ulëta, mbi 15 gradë nga temperatura e jashtme jep një përgjumje, dhimbje koke, humbje të produktivitetit në punë, etj. Duhet një burim ajri natyral me patjetër”, tha Ibranji.

LEXONI GJITHASHTU:

• Mjeku alternativ: Kondicioneri 19 Gradë, gabim se tkurret edhe mushkëria
• Shkak dyshohen kondicionerët, detaje nga zjarri në tarracën e Gjykatës së Lartë