Përjashtimi i Bardhit, Berisha: Basha lexon fletushkat e Ballës, i marrë peng

Sali Berisha në një dalje për mediat pas mbledhjes me Gazment Bardhin ka reaguar për përjashtimin e këtij të fundit nga PD, vendim të cilin e mori kreu i PD-së Lulzim Basha.

Ai theksoi se Basha lexon fletushkat e Ballës duke shtuar se kryedemokrati është marrë peng nga qeveria.

Pjesë nga deklarata e Berishës:

Pyetje: Për shkak të bashkëpunimi me ju, një ditë më parë, Lulzim Basha ka përjashtuar Gazment Bardhin nga anëtarësia e PD. Keni një koment?

Sali Berisha: Lulzim Brava, për të mos përdorur një term tjetër që të mos e lëshoj gojën, nuk bën gjë tjetër, veç se lexon mesazhet apo fletushkat e Taulant Ballës. Nuk ka asnjë lloj vlere, është një i keqpërdorur, por që gradualisht po kthjellohet çdo gjë, rreth një person që është i marrë peng në disa forma nga kjo qeveri.

Pyetje: Dje Ilir Meta ka deklaruar se do ta vijojë betejën politike, me apo pa ju. Ka një krisje?

Sali Berisha: Asnjë krisje, ajo është një ftesë. Ai ka treguar me këtë vendosmërinë e tij të palëkundur për betejën e tij politike dhe e përshëndes.

LEXONI GJITHASHTU:

• Berisha: Mazhoranca të pranojë rezolutën e PD-së për Kosovën
• Basha e përjashtoi nga PD, Bardhi: Vendim politik i Ramës, s’ka lidhje me rregullore