Përkeqësohet situata gjatë natës nga zjarri në Sasaj, Balluku monitoron zonën

Zjarri që ka përfshirë fshatin Sasaj në bashkinë e Himarës ka vijuar të jetë aktiv gjatë gjithë natës, ndërsa flakët janë përhapur me shpejtësi në drejtim të zonave të banuara, duke rritur ndjeshëm rrezikun për ta dhe pronat e tyre.

Ministrja e Infrastrukturës dhe Energjisë, znj. Belinda Balluku, ka qenë në terren për të monitoruar nga afër situatën ndërsa shoqërohej nga kryetari i Bashkisë Himarë, z. Vangjel Tavo, dhe këshilltari për pushtetin vendor, z. Flamur Mamaj.

Ministrja deklaroi se, për shkak të rrezikut të lartë, banorëve u është kërkuar evakuimi nga autoritetet, por shumë prej tyre kanë refuzuar të largohen nga banesat e tyre.

Në vendngjarje janë angazhuar forcat e ushtrisë, zjarrfikësit dhe strukturat e emergjencës civile, të cilat kanë punuar intensivisht për të vënë nën kontroll flakët.

LEXONI GJITHASHTU:

• Vijojnë zjarret në zonën mes Delvinës dhe Gjirokastrës, rrezikohen stane dhe bagëti
• NASA publikon pamjet satelitore të zjarreve në Delvinë