“Më kujtoni babain”, përlotet Rudina Hajdari, flet për Azemin në protestë

Ish-deputetja e Partisë Demokratike, Rudina Hajdari është përlotur në protestën që po zhvillon sot opozita para Kryeministrisë.

Ajo tha se beteja sot nuk është mes partive, mes militantëve, por mes gjithë shqiptarëve nga njëra anë dhe klubit të miliarderëve nga ana tjetër. Nuk i ka përmbajtur lotët, teksa ka kujtuar të atin, Azem Hajdari.

“Si mundet sot të jetë në paqe një pensionit. Nuk ka më paqe sot në vend.Motra dhe vëllezër, unë jam Rudina Hajdari dhe sot të flas këtu është një privilegj i madh në këtë foltore dhe ju që jeni mbledhur këtu më kujtoni Azem Hajdarin, Azemi kishte vetëm një mision që ta kthente Shqipërinë në një vend të begatë. Ju më mbushni me shpresë dhe energji që të luftoj sa më shumë. Ju përqafoj dhe ju dua shumë të gjithëve”, deklaroi Hajdari.

Protesta e opozitës ka filluar vetëm pak minuta më parë. Kreu i Partisë së Lirisë Ilir Meta  dhe kreu i Partisë Demokratike, Sali Berisha shfaqen në krah të njëri tjetrit. Deri më tani nuk është raportuar asnjë incident në protestë, ndërkohë që pjesëmarrja është shumë e lartë.

• FOTOLAJM| Policia kap lartësitë, efektivë në tarracat e institucioneve
• Budina: Të mos ndalen protestat me forcë pa e shkulur mafien e pushtetit
• Rudina Hajdari: Në protestë ka edhe socialistë, beteja nuk po bëhet për partitë