Budina: Të mos ndalen protestat me forcë pa e shkulur mafien e pushtetit

Aktori Edmond Budina deklaroi se protestuesit në sheshin para Kryeministrisë, kanë dalë për t’i thënë jo mafies në pushtet.

Gjatë fjalës së tij,  Budina u shpreh se protestat nuk duhen të ndalen deri në fund, duke përdorur edhe forcën, për ta shkulur mafien nga pushteti.

“Ne jemi këtu për t’i thënë jo drogës, jo shpiopullimit të atdheut, jo shpërbërjes kombëgare, jo varfërisë, jo shthurjes së këtij vendi, të rinisë që po degradon. Ne jemi këtu për t’i thënë jo drogës, ne jemi këtu për t’i thënë jo mafies deri në fund.

Unë personalisht ju ftoj që protestat tona të mos ndalen asnjëherë deri në fund me forcë, të mos shkulemi që këtu pa e shkulur mafien e pushtetit. Ne të luftojmë dhe të kemi një mosbindje civile deri në fitoren përfundimtare’, theksoi Budina.

Vihet re një numër i lartë qytetarësh, të cilët i janë përgjigjur pozitivisht ftesës së opozitës për të marrë pjesë në protestë.

Deri më tani, nuk është shënuar asnjë incident.

LEXONI GJITHASHTU

• Nisin fjalimet në protestën e 12 nëntorit, pjesëmarrje e lartë e qytetarëve
• Rudina Hajdari: Në protestë ka edhe socialistë, beteja nuk po bëhet për partitë
• Meta në krah të Berishës në protestën para Kryeministrisë