Përmbysje spektakolare e Realit, mposhtet Juventusi, Milani merr fitoren e parë

Në stadiumin “Bernabeu” u zhvillua një nga përballjet më spektakolare në Ligën e Kampionëve, ku Reali i Madridit mposhti Dortmundin me rezultatin 5-2. Verdhezinjtë e nisën sfidën në mënyrë perfekte, duke siguruar një avantazh të dyfishtë me golat e Malen dhe Bynoe Gittens, por në pjesën e dytë ndodhi një përmbysje e çmendur. Ndryshimet taktike të skuadrës gjermane bënë që ajo të lëshonte shumë terren, duke i dhënë mundësinë Realit të afrohej te porta dhe të barazonte me golat e Rudiger dhe Vinicius Jr.

Braziliani Vinicius ishte në mbrëmjen e tij magjike, duke shënuar edhe dy gola të tjerë, ndërsa Lucas Vázquez vulosi fitoren me një tjetër gol, duke e çuar rezultatin në 5-2 për Realin.

Milani arriti fitoren e parë në Champions, pasi mposhti Club Brugge me rezultatin 3-1, falë golave të Pulisic dhe dy golave të Reijnders. Për miqtë realizoi Sabbe. Një autogol i Shakhtar dhe një penallti e humbur nga Trossard përshkruan duelin e Arsenalit, i cili fitoi minimalisht. Juventus dështoi në mbrëmjen e tij me një paraqitje zhgënjyese ndaj Shtutgartit, që triumfoi 0-1 falë golit të Toure.

Skuadra të tjera që morën 3 pikë ishin Monaco, Aston Villa, Girona dhe Sporting, ndërsa dueli PSG-PSV u mbyll me rezultatin 1-1.

LEXONI GJITHASHTU:

• Gjermanët shkëlqyen në Champions: 18 gola në 3 ditë, Bayerni vendos rekord në Europë
• Bayern-Dinamo Zagreb një “çmenduri”, shënohen 11 gola! Juventus rikthehet me fitore