Përmbytje në veri të Italisë, reshjet e dendura mbulojnë me ujë veriun e Milanos

Qyteti italian i Milanos u zgjua të martën me nivelin e ujit që arrinte deri në grykë. Shirat e dendura që shoqëruan një stuhi të dhunshme tejmbushën lumin Sevezo, i cili doli nga shtrati dhe përmbyti veriun e qytetit.

Autoritetet po punojnë për zgjidhjen e situatës, por duhen më shumë basene për të frenuar një pjesë të volumit të ujit.

“Nuk kishim pasur përmbytje të tilla që prej 2014-s. Kjo do të thotë se duhet të punojmë me basenet. Njëri prej tyre është gati, po testojmë pompat dhe do të vihet në punë në nëntor. Por pjesa tjetër e rajonit të Lombardisë nuk ka basenë”, thotë Marco Granelli, ekspert.

Pesë rajone kanë ngjyrën portokalli të alarmit, që është niveli i dytë, ndërsa ai i Venetos është alarm i kuq. Venecia vuan nga fenomeni “uji i lartë”, që përmbyt kanalet e qytetit.

Meteorologët parashikojnë se situata do të përmirësohet në ditët në vazhdim. Stuhia do të zhvendoset drejt qendrës dhe jugut të vendit, ku vjeshta po rezulton e ngrohtë. Në orët e fundit temperatura prej 34 dhe 28 gradë Celsius u regjistruan në Palermo dhe Romë.

LEXONI GJITHASHTU:

• Numri i viktimave nga përmbytjet në Indi shkon në 47
• Zbulime arkeologjike ne Libi pas përmbytjeve, pritet restaurimi i tyre