Mbrëmjen e së shtunës në aksin nacional Korçë-Ersekë në afërsi të fshatit Kamenicë ka ndodhur një aksident ku janë përplasur dy makina, më pas në aksident është përfshirë një automjet i tretë.
Nga burime paraprake thuhet se një mjet tip “Mercedes Benz ” është përplasur me një mjet të tonazhit të rëndë ndërkohë që në këtë aksident është përfshirë e një mjet i tretë. Si pasojë një nga shoferët ka mbetur i lënduar i cili është dërguar në spitalin e Korçës ku burime pranë këtij spitali thanë se i plagosuri është jashtë rrezikut për jetën.
Ndërsa një aksident tjetër ka ndodhur po këtë të shtunë në aksin Librazhd-Përrenjas në afërsi të fshatit Qukës ku një trajler ka dalë nga rruga dhe si pasojë ka shkaktuar trafik të rënduar në këtë aks rrugor.
Nga ky aksident nuk raportohen të lënduar, por vetëm dëme materiale ndërsa policia po vijon hetimet rreth shkaqeve të aksidentit.
LEXONI GJITHASHTU:
- Aksident i rëndë në rrugën Lezhë-Milot, humb jetën këmbësori 75-vjeçar
- I riu me “BMW” humbi jetën pas aksidentit, arrestohet shoferi i “AUDI”-it
