Përplasja me kokë me kundërshtarin, Rey Manaj largohet nga fusha me ambulancë

Momente tensioni janë përjetuar gjatë ndeshjes Sivaspor-Göztepe, kur sulmuesi i Kombëtares, Rey Manaj, humbi ndjenjat pas një përplasjeje të fortë me një lojtar kundërshtar.

Ngjarja ndodhi në minutën e 3-të të ndeshjes, kur Manaj u përplas kokë më kokë me një mbrojtës të Göztepe.

Pas përplasjes, ai mbeti i shtrirë në fushë, duke shkaktuar panik te lojtarët dhe tifozët.

Stafi mjekësor i Sivasspor ndërhyri menjëherë dhe pas ndihmës së parë, futbollisti u transportua me ambulancë për në spital për kontrolla të mëtejshme.

💥 Sivasspor-Göztepe maçında Koray Günter ile girdiği pozisyonda sakatlık yaşayan Rey Manaj, hastaneye kaldırıldı. pic.twitter.com/G3xZLnDlI5

— HaTtrick (@hattrickftbl) March 9, 2025

Gjendja e Manajt pas incidentit

Në një njoftim zyrtar, klubi turk bëri të ditur se Rey Manaj ka rikthyer vetëdijen pas mbërritjes në spital dhe se është i vetëdijshëm. “Futbollisti ynë humbi ndjenjat si pasojë e një përplasjeje me një lojtar kundërshtar në minutën e 3-të të ndeshjes ndaj Göztepe.Pas ndërhyrjes së parë të ekipit tonë mjekësor, ai u dërgua me ambulancë dhe tani është i vetëdijshëm. Pas përfundimit të analizave, do të ndahen informacionet për gjendjen shëndetësore të tij”, thuhet në reagimin e klubit.

Një video e publikuar nga Sivasspor tregon momentet kur Manaj mbërrin i ndërgjegjshëm në spital dhe ka filluar marrjen e mjekimeve të nevojshme.

Përshëndetje dhe urime për shërim të shpejtë

Klubi ka shprehur urimet për një shërim të shpejtë të sulmuesit shqiptar dhe ka kërkuar durim derisa të përfundojnë analizat mjekësore.

LEXONI GJITHASHTU:

• Manaj vendos për të ardhmen, sulmuesi rikthehet në kampionatin turk
• E bashkoi apo e përçau familjen mbretërore vdekja e mbretëreshës, përgjigjet Manaj