Përplasjet në Parlament, Saraçi: T’i vihet kyçi, po pengohet rruga e opozitës

Gazetari Romir Saraçi është shprehur se Parlamenti në Shqipëri e ka humbur funksionalitetin dhe duhet t’i vendoset kyçi.

Komentet Saraçi i bëri në emisionin “Now me Erla Mëhillin” në Euronews Albania, ku tha se nuk ka një rrugë të kryedemokratit Lulzim Basha dhe grupit të tij për të bërë opozitë, por sipas tij, ata po pengojnë rrugën e opozitës.

Ai shtoi gjithashtu se përplasjet e sotme në Komisionin e Medias ishin të provokuara ngga grupi i Bashës.

“Skenat e tilla nuk janë të mira dhe nuk duhet të ndodhin. Parlamenti ka mbaruar punë dhe i duhet vënë kyçi. Të paktën unë kështu mendoj. Anoi më shumë te pjesa e provokimit sesa te pjesa e skenës.

Nëse kjo skenë do ndodhte ditën e parë apo të dytë të Kuvendit, kur opozita nisi aksionin e saj për bllokimin e punimeve parlamentare, do ishte e mirëkuptueshme që hajde i mori vrulli dhe u përplasën me njëri-tjetrin.

Por kur kemi disa muaj që opozita e ka deklaruar aksionin e saj bllokues për mosrespektimin e këtyre të drejtave Kushtetuese që ata i pretendojnë, ne nuk kemi një rrugë të Bashës dhe grupit të tij për të bërë opozitë, por kemi pengimin e rrugës së opozitës për të bërë opozitë”, tha Saraçi.

LEXONI GJITHASHTU:

• Grupi parlamentar i PS- Sekretariatit të Etikës: Të përjashtohen Bardhi dhe Noka
• Ambasada Britanike: Mirëpresim thirrjen e Presidentit Begaj për një parlament aktiv