Përshkallëzohet sulmi rreth centralit bërthamor në Ukrainë

Sulmi i fundit shënon një përshkallëzim në një situatë tashmë të tensionuar në rajonin rreth termocentralit bërthamor Zaporizhzhia, në Ukrainën jugore.

Valentyn Reznichenko, kreu i administratës rajonale të Dnipropetrovsk, tha se forcat ruse përdorën raketat Grad për të goditur Marhanets, një qytet afër qytetit të Nikopol, gjatë natës.

Forcat ruse, tha ai, hodhën 80 raketa që “u drejtuan në zona të banuara”, “duke goditur qëllimisht dhe në mënyrë të fshehtë njerëzit kur ata ishin duke fjetur në shtëpitë e tyre”.

Blloqet e apartamenteve dhe ndërtesat administrative u dëmtuan, shtoi ai, dhe disa mijëra njerëz ishin pa energji. Rusia nuk ka komentuar, por mohon të ketë shënjestruar civilët.

Nikopol ndodhet në lumin Dnipro përballë kompleksit Zaporizhzhia, termocentrali më i madh bërthamor në Evropë, i cili ka qenë nën pushtimin rus që nga fillimi i marsit.

Zyrtarët ukrainas thonë se Rusia e ka kthyer vendin në një bazë ushtarake, duke nisur sulmet nga atje duke e ditur se forcat ukrainase nuk kanë gjasa të hakmerren me forcë për shkak të rrezikut të një aksidenti bërthamor.

LEXONI GJITHASHTU:

• Të ndalen sulmet vetëvrasëse në centralin bërthamor të Zaporizhias, thotë OKB-ja