Përvetësoi shuma parash përmes mashtrimit, arrestohet 54-vjeçari në Tiranë

Një 54-vjeçar është arrestuar në Tiranë, pasi kishte përfituar shuma parash përmes mashtrimit.

Policia bën me dije se në kuadër të operacionit policor të koduar “Mandati” ka rënë në pranga I. M., 54 vjeç.

Ky shtetas, nëpërmjet mashtrimit, duke paraqitur dokumente (mandate) të dyshuara të falsifikuara, ka përvetësuar shuma të ndryshme parash, nga biznesmenë të ndryshëm.

Në cilësinë e provës materiale u sekuestruan dokumente (mandate), të cilat 54-vjeçari i përdorte për skemën e mashtrimit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• Psikologu: Dikur prindërit kryenin marrëdhënie në prani të fëmijëve
• Ishte shpallur në kërkim për prodhim të narkotikëve, në pranga 28-vjeçari në Tiranë