Pësoi djegie trupore pas zjarrit në banesë, ndërron jetë në spital i moshuari

89-vjeçari nga Korça, Koço Zhidro i cili dy ditë më parë pësoi djegie të shumta trupore për shkak të zjarrit në banesën ku jetonte, ka ndërruar jetë.

Burime spitalore thane se i moshuar i cili vuante edhe nga problemet e frymëmarrjes nuk ja ka dalë të mbijetonte me gjithë përpjekjet e shumta të mjekëve për ta mbajtur në jetë.

89-vjeçari Koço Zhidro jetonte i vetëm në një banesë dy katëshe në një lagje periferike të qytetit të Korçës dhe për të kujdesej kohet e fundit një 47-vjeçare e cila ditën e ngjarjes ka qenë në banesë së bashku me të moshuarin.

Sipas policisë lokale mëngjesin e dy ditëve më parë i moshuari ka qenë i shtrire ne krevat kur kuvertat janë përfshirë nga flakët duke i shkaktuar djegie të shumta trupore.

Djegie ka pësuar edhe 47-vjeçarja gjatë kohës kur i ka ardhur në ndihme për largimin e kuvertave që po digjeshin në krevatin e 89-vjeçari.

47-vjeçarja vijon të jetë e shtruar në Spitalin e Korçës për shkak të djegieve. Policia tha se zjarri ka qenë aksidental duke lënë të kuptohet se mund të jetë shkaktuar nga pakujdesia e 89-vjeçarit.

LEXONI GJITHASHTU:

• Prokuroria e Tiranës urdhëron riekspertim të shkaqeve të zjarrit në QSUT
• Përfundojnë punimet në QSUT, Urgjenca gati të rikthehet afro 4 muaj pas zjarrit