Drejtori i Zyrës për Kosovën në qeverinë serbe, Petar Petkoviç deklaroi se marrëveshja e arritur për dokumentet për hyrje-dalje mes Kosovës dhe Serbisë, siguron paqe dhe shtoi se serbët nuk do të heqin dorë nga targat “KM”.
Petkoviç u shpreh se ky vendim vendim shumë i rëndësishëm dhe domethënës, pas një lufte të gjatë dhe të vështirë diplomatike javët e fundit nga presidenti Aleksandar Vuçiç, shkruan Euronews Serbia.
“Ne arritëm të arrijmë një marrëveshje dhe të marrim garancitë e BE-së, që ishte gjëja më e rëndësishme për ne, dhe që në fakt do të thotë se ne arritëm të ruanim letërnjoftimet serbe për serbët që jetojnë në Kosovë”, theksoi ai.
Të shtunën, Kosova dhe Serbia janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve.
Tashmë qytetarët e dy vendeve mund të udhëtojnë lirshëm duke përdorur dokumentet e tyre.
Ndërsa, më 1 shtator pritet të hyjë në fuqi vendimi i Qeverisë së Kosovës për targat e makinave. Ky vendim konsiston në riregjistrimin e makinave që përdorin targa të lëshuara nga Serbia.
LEXONI GJITHASHTU
