Petro Koçi: Të bëhen ndryshime në qeveri, ku duhet të ndërhyhet

Deputeti i Partisë Socialiste Petro Koçi, u shpreh se në qeverinë aktuale duhet të bëhen ndryshime, gjë që sipas tij e ka  në dorë vetëm kryeministri Edi Rama.

Në një intervistë për Euronews Albania, deputeti tha se  fusha ku duhet të ndërhyjë qeveria është administrata e vogël në mënyrë që të goditet korrupsioni.

“PS është forcë e ndryshimit dhe unë besoj se dhe ndryshimi i njerëzve sjellë një impakt pozitiv. E gjithë kjo është ekskluzive e Ramës, varet shumë nga gjykimi i tij. Le të presim. Jam një nga ata që i mbështesë ndryshimet. Megjithatë mendoj se fusha ku duhet të ndërhyjë më shumë PS dhe qeveria e saj është administrata e vogël ajo që është në nivel vendor dhe kontakton drejtpërdrejtë me qytetarët, pavarësisht faktit se tani kemi një sistem që ndalon kontaktin e drejtpërdrejt të qytetarit me zyrtarët, por gjithsesi ka lloj lloj mënyrash që e realizojnë këtë proces që shpesh herë sjellë dhe korrupsion. Kjo është pjesa që duhet të ndërhyjë qeveria”, u shpreh Koçi.

LEXONI GJITHASHTU:

• “Pazar për zgjedhjet lokale”, gazetarja: Deputetë të PD-së në valle me maxhorancën
• ‘Basha po përgatitet për krijimin e një partie të re’, gazetarja tregon prapaskenat