Pezullimi nga Kushtetuesja i zgjedhjeve në Tiranë, Dervishaj: Çfarë ndodh tani

Bledar Dervishaj, i ftuar në Euronews Albania me moderator Thimi Samarxhiu, është shprehur këtë të enjte gjatë një interviste për vendimin e pezullimit të Gjykatës Kushtetuese për zgjedhjet në Tiranë, pas ankimimit të kryebashkiakut të shkarkuar, Erion Veliaj.

Dervishaj tha se vendimi hyn në fuqi menjëherë pas botimit të tij.

“Në atë datë që vendimi i Kushtetueses do të hyjë në fuqi me botimin e tij. Nuk besoj të jetë në nëntor. Fakt është që ja çfarë efekti ka drejtësia kur vepron në kohë, i dashur Thim. Si rregull, palë në proces është vetë ankuesi. Në momentin që shpreh dëshirë, ai do të shkojë. Zoti Veliaj duhet të jetë atje, për të bërë atë që nuk e bëri përpara Këshillit Bashkiak. Nuk ka asgjë të keqe të shkojë. Unë e shoh më thellë problemin, ndoshta do të marr atë paragraf ligjor ku ai është shkarkuar. Mund të kemi dhe atë normë të shfuqizuar dhe ta bëj nul edhe vendimin. Mosparaqitja në detyrë, nëse është shkelje e rëndë e ligjit, le ta thonë. Do jetë Këshilli Bashkiak, Këshilli i Ministrave, Presidenti dhe ndoshta edhe KQZ.

Pasi ofron këshillën tënde ligjore si veprohet në këto raste, merret libri i Kushtetutës dhe lexohet në grup. Unë rekomandoj që të bëhen ose të mos bëhen do të ishte një nga opinionet.”-tha Dervishaj.

LEXONI GJITHASHTU:

• Më 31 tetor Kushtetuesja shqyrton ankimin e Veliajt për shkarkimin nga detyra
• Kushtetuesja shqyrton ankimimet e Veliajt për shkarkimin dhe dekretin e Presidentit