“Piu kafen, më pas vrau vëllain e veten”, gazetarja zbulon motivin e tragjedisë

Vehap Cami ka qëlluar për vdekje vëllain e tij Lulzim Cami e më pas ka vrarë edhe veten. Ngjarja e rëndë ka ndodhur mëngjesin e kësaj të enjteje në Tiranë në zonën e Freskut.

Gazetarja Sara Demushi tha në një lidhje direkte për Euronews Albania se Vehap Cami jetonte në Farkë e mëngjesin e kësaj të enjteje kishte shkuar të pinte kafen me vëllain e tij në Fresk, por pasi kafja ju shërbye ai nxori armën e zjarrit tip pistoletë me anë të së cilët i mori jetën Lulzim Camit e më pas vetes.

“Një konflikt për çështje pronësie është arsyeja pse ka ndodhur kjo ngjarje. Vehap Cami 63-vjeç ka ardhur në banesën e vëllait të tij për të pirë kafen e mëngjesit. Kafja i është shërbyer nga nusja e djalit të Lulëzimit dhe më pas në momentin që ata kanë qenë së bashku me njëri-tjetrin ai ka qëlluar në drejtim të vëllait duke e lënë të vdekur e më pas ka vrarë dhe veten.

dyshohet se konflikti ka nisur për shkak të pronave në Bulqizë të cilat nuk kanë marrë zgjidhje. Vehap Cami jetonte në zonën e Farkës dhe mëngjesin e sotëm ai shkoi në Fresk në banesën e vëllait ku kreu edhe ngjarjen makabër”, -tha gazetarja Sara Demushi.

LEXONI GJITHASHTU:

• “Dëgjova të bërtisnin”- Flet pronarja e banesës në Fresk ku ndodhi krimi në familje
• Vëllai vrau vëllanë e më pas veten, kush janë viktimat në Tiranë