Klajdi Kondo alias Klajdi Meto është arestuar në Suedi për llogari të drejtësisë shqiptare.
34-vjeçari rezulton një person në kërkim ndërkombëtar, pasi shkalla e parë e GJKKO i ka caktuar masën “Arrest me burg” për veprën penale “Ndihma për kalim të paligjshëm të kufijve”, kryer në kuadrin e grupit të strukturuar kriminal.
34-vjeçari rezulton të jetë pjesë e një grupi kriminal që merrej me trafikimin e emigrantëve me skaf drejt Italisë në vitet 2021-2022.
“Si rezultat i koordinimit të informacioneve dhe veprimeve policore, ndërmjet Interpol Tiranës dhe homologëve në Suedi, u finalizua procedura për ekstradimin në Shqipëri të shtetasit të shpallur në kërkim ndërkombëtar, të arrestuar në Suedi, K. K. alias K. M., 34 vjeç, i lindur në Fier.
Gjykata e Posaçme e Shkallës së Parë për Korrupsionin dhe Krimin e Organizuar, në vitin 2022, i ka caktuar këtij shtetasi, masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në kuadrin e grupit të strukturuar kriminal.
Shtetasi K. K. alias K. M. akuzohet se gjatë periudhës 2020-2021, në bashkëpunim me shtetas të tjerë, ka transportuar ilegalisht me skaf drejt Italisë dhe shteteve të tjera, kundrejt fitimeve, emigrantë sirianë, egjiptianë dhe iranianë”, njofton policia.
LEXONI GJITHASHTU:
- EMRI| Me furgonin me armë drejt Anglisë, arrestohet 35-vjeçari në Portin e Durrësit
- “S’e dija që në pako kishte para”; GJKKO lë në burg shefin e Antidrogës
