Ish-deputeti i PS, Ervin Bushati është shprehur se problemi kryesor në vendin tonë është demografia.
Në një intervistë për Euronews Albania, Bushati theksoi se qeveria dhe opozita përpara se të ulen në tavolinë për reformën territoriale, duhet të ulen për demografin dhe emigrimin që sipas tij sot është plaga e vendit tonë.
“Ne kemi një problem që demografia në të dyja krahët po shtrëngohet shumë shpejt, largimi dhe lindjet e ulëta. Jemi gati të vendet që kemi rritjen më të ulët të popullatës në botë, dhe ky është problem shumë i madh. Shqipëria se ka pasur këtë në vitet ’90. Ky është një diskutim shumë i madh. Çfarë ju ofrohet çifteve të reja që të prodhojnë sa më shumë fëmijë, e tjetra si mos të largohen sa më shumë. Nuk është vetëm me rritje rrogash. Në rastin e Shqipërisë kur bëhet mirë, bëhet dhe më keq. Qeveria dhe opozita përpara se të uleshin në tavolinë për reformën territorial, duhet të uleshin për demografinë dhe emigrimin, që sot është plaga e Shqipërisë”- theksoi Bushati.
Më tej ai theksoi se: Qeveria duhet ta pranojë këtë, demografia është problemi kryesor në këtë vend.
LEXONI GJITHASHTU:
- “Të dridhet regjimi autoritar”, Berisha paralajmëron protesta të fuqishme
- Rama-KiE-së: Rrëzoni akuzat ndaj Kosovës, pranoni propozimin tonë për rihetim
