Plagoset 21-vjeçari në Tiranë, arrestohen tre persona

Tre persona janë arrestuar në lidhje me arrestimin e një 21-vjeçari në rrugën “Mihal Popi” në Tiranë.

Policia bën me dije se tre të rinjtë nga mosha 18 deri në 21 vjeç kanë goditur me sende të forta të plagosurin.

Ngjarja ka ndodhur pas një sherri për motive të dobëta ndërsa 21-vjeçari ka marrë dëmtime të rënda. Ai ndodhet në spital ku po merr ndihmë mjekësore. Të arrestuarit akuzohen për veprën penale “Plagosje e rëndë me dashje” e kryer në bashkëpunim.

Njoftimi i policisë

Tiranë/ Plagosën rëndë për motive të dobëta një 21-vjeçar, identifikohen dhe vihen në pranga 3 shtetas. Specialistët për Hetimin e Krimeve në Komisariatin e Policisë Nr. 2, pas marrjes së njoftimit se në rrugën “Mihal Popi”, kishte ndodhur një konflikt gjatë të cilit ishte dëmtuar me sende të forta një shtetas, kanë organizuar menjëherë punën për kapjen e autorve dhe vënien e tyre përpara përgjegjësisë ligjore.

Si rezultat i veprimeve të shpejta u identifikuan dhe u vunë në pranga shtetasit: F. F., 18 vjeç, M. D., 21 vjeç dhe S. T., 19 vjeç, të tre banues në Tiranë. Këta shtetas, në rrugën “Mihal Popi” pas një konflikti për motive të dobëta, kanë goditur me sende të forta shtetasin M. B., 21 vjeç, duke i shkaktuar dëmtime të rënda. Aktualisht, 21-vjeçari ndodhet në spital, nën kujdesin e mjekëve. Materialet u referuan Prokurorisë për veprën penale “Plagosje e rëndë me dashje” e kryer në bashkëpunim.