Një ngjarje e rëndë ka ndodhur këtë të diel në kryeqytet, ku një adoleshent 15-vjeçar ka mbetur i plagosur me armë zjarri gjatë një konflikti.

Sipas njoftimit të Policisë së Tiranës, i mituri është dërguar në spital i plagosur, ndërsa pas marrjes në pyetje nga efektivët, është mësuar se ngjarja ka ndodhur brenda një picerie në zonën e Ali Demit.

Policia bën me dije se plagosja ka ardhur pas një konflikti të çastit me një person tjetër, i cili më pas ka qëlluar me armë në drejtim të të miturit.

Nga të dhënat paraprake, mësohet se autori është identifikuar dhe po punohet për kapjen e tij.

Grupi hetimor ndodhet në vendngjarje dhe po vijon punën për sqarimin e plotë të rrethanave.

Njoftimi i policisë

“Rreth orës 17:10, është paraqitur për ndihmë mjekësore në spital një shtetas i mitur 15 vjeç, pasi dyshohet se gjatë një konflikti për motive të dobëta, në një piceri tek Ali Demi, është plagosur me armë zjarri. Aktualisht 15-vjeçari ndodhet në spital, jashtë rrezikut për jetën.

Shërbimet e Policisë sëbashku me grupin hetimor kanë shkuar menjeherë në vendngjarje dhe kanë bërë të mundur identifikimin e autorit të dyshuar i cili për arsye se hetimi vijon nuk bëhet i ditur identiteti i tij.

Vijon puna për dokumentimin e plotë e rrethanave të rastit”, thuhet në njoftimin e policisë.

LEXONI GJITHASHTU:

• Konflikti në piceri/ 15-vjeçari u plagos nga motoristi, detaje nga ngjarja në Tiranë
• PAMJET/ Aksident në Pogradec, fëmija 4-vjeçar i shpëton mrekullisht përplasjes
• Konsumimi i ushqimeve jo të shëndetshme nga fëmijët, nutricionistja tregon pasojat