Plagosi kunatën me thikë në rrugë, arrestohet menjëherë 69-vjeçari

Një 69-vjeçar me inicialet M.O, i cili dyshohet të ketë probleme të shëndetit mendor, është arrestuar këtë të hënë pasi plagosi me thikë, në rrugë, bashkëshorten e vëllait.

Ngjarja ka ndodhur në një rrugë të fshatit Drenovicë. E plagosura L. O., 60 vjeçe, e cila është jashtë rrezikut për jetën.

Sekuestrohet mjeti prerës.

Njoftimi i policisë

Sapo janë njoftuar se mesditën e sotme, në një rrugë të fshatit Drenovicë, një shtetas kishte dëmtuar me mjet prerës (thikë), bashkëshorten e vëllait të tij, specialistët për Hetimin e Krimeve të Stacionit të Policisë Dimal kanë organizuar punën dhe kanë shkuar në vendngjarje, me qëllim nxjerrjen përpara përgjegjësisë penale, të autorit.

Menjëherë u bë kapja dhe ndalimi i shtetasit M. (M). O., 69 vjeç (shtetas me probleme mendore), i cili kishte dëmtuar me mjet prerës (thikë), shtetasen L. O., 60 vjeçe, e cila është jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

LEXONIGJITHASHTU:

• EMRI| Plagosi me thikë 55-vjeçarin në Kavajë, arrestohet 22-vjeçari
• Plagosja me armë në Tiranë për çështje pronësie, Policia: Konflikt mes fqinjëve