Plagosja e 28-vjeçarit te “Fresku”, arrestohet dhe bashkëpunëtori i dytë i autorit
Një plagosje me armë zjarri ndodhi mbrëmjen e së shtunës në kryeqytet, në zonën e Freskut, ku 28-vjeçari Juglen Abazi shkoi vetë në spital me plagë.
Policia e Tiranës ka dalë me një njoftim të ri këtë të hënë, ku thotë se është arrestuar Andi Gurra, bashkëpunëtori i autorit të dyshuar, pas arrestimit ditën e djeshme të bashkëpunëtorit tjetër Xhonatan Qerimi.
Ndërkohë, në kërkim tashmë ngelet vetëm autori i dyshuar, Klejvis Caka (Lusha), banues në Tiranë, i cili akuzohet për veprat penale “Vrasje me dashje” e mbetur në tentativë dhe “Mbajtje pa leje dhe prodhimi i armëve, armëve shpërthyese dhe municionit”.
Klevis Caka dyshohet se ka qëlluar me armë zjarri në rrugën “Thoma Filipeu” në Fresk, duke plagosur 28-vjeçarin Juglen Abazi.
Të arrestuarit, Andi Gurra dhe Xhonatan Qerimi, të dy banues në Tiranë, akuzohen për veprën penale “Përkrahje e autorit të krimit”. Nga veprimet hetimore dyshohet se shtetasit Xh. Q. dhe A. G. e kanë ndihmuar autorin e dyshuar të largohet nga vendngjarja.
Puna vijon për kapjen e shtetasit të shpallur në kërkim, Klejvis Caka (Lusha), dhe për dokumentimin e plotë ligjor të kësaj ngjarjeje.
Njoftimi i plotë i policisë:
“Në vijim të hetimeve për ngjarjen e ndodhur më datë 02.08.2025, në zonën e Freskut, ku mbeti i plagosur me armë zjarri shtetasi J. A., specialistët e Sektorit për Hetimin e Krimeve të Rënda kundër Jetës dhe Pronës arrestuan në flagrancë shtetasin në kërkim, A. G., 26 vjeç, i cili dyshohet si bashkëpunëtori i shtetasit K. C. (L), i shpallur në kërkim si autor i dyshuar i plagosjes.
Vijon puna për lokalizimin dhe kapjen e autorit të dyshuar, si dhe për dokumentimin e plotë ligjor të ngjarjes, thuhet në njoftimin e policisë.
LEXONI GJITHASHTU:
Policia e Tiranës procedon 11 persona pas tubimeve të 22–23 qershorit në Tiranë
Në 1 gusht luan në Serbi, Kampioni Denis Buzukja: Zemra gjëja kryesore në UFC, shqiptarët e kanë këtë
Aksident në aksin Elbasan–Peqin, plagoset drejtuesi i një automjeti, shkak parakalimi i gabuar
- 18:48 Policia e Tiranës procedon 11 persona pas tubimeve të 22–23 qershorit në Tiranë
- 18:29 Agron Duka: Nëse protesta shuhet, ky sistem do të zgjasë për vite
- 18:24 Numri i personave të raportuar të zhdukur pas tërmeteve shkatërrues në Venezuelë i kalon 25 mijë
- 18:04 Samiti i “Accenture Greqi” në Tiranë: Si inteligjenca artificiale po transformon bizneset
- 18:03 Vinicius: Neymar është idhulli ynë, Ancelotti është më i madhi i të gjitha kohërave
- 17:58 Portugalia gati të dërgojë 50 ekipe shpëtimi në Venezuelë pas tërmetit të fuqishëm vdekjeprurës