Plagosje me thikë në Tiranë, shpallet në kërkim autori

Një 53-vjeçar është plagosur me mjet prerës gjatë një konflikti për motive të dobëta në zonën e Yzberishtit, Tiranë.

Sipas njoftimi të policisë ngjarja ka ndodhur pas një mosmarrëveshje, ku autori ka goditur viktimën me mjet prerës, duke e lënë të plagosur.

Sipas informacioneve, viktima, E. Rr., 53 vjeç, ka marrë ndihmën e nevojshme mjekësore dhe ndodhet jashtë rrezikut për jetën.

Shërbimet e Komisariatit të Policisë Nr. 6, në bashkëpunim me Strukturat e DVP Tiranë, kanë reaguar menjëherë pas njoftimit për ngjarjen dhe kanë nisur hetimet për identifikimin e autorit.

Si rezultat i veprimeve, është identifikuar autori i dyshuar, shtetasi A. P., 24 vjeç, banues në Tiranë. Policia ka nisur punën për kapjen e tij dhe dokumentimin e plotë ligjor të ngjarjes.

Materialet procedurale për ngjarjen i kaluan Prokurorisë për veprime të mëtejshme.

LEXONI GJITHASHTU:

• Trafik droge dhe plagosje e rëndë, arrestohen 2 shtetas të shpallur në kërkim
• Plagosje me thikë në Elbasan, 14-vjeçari përfundon në spital