Deputetja e Partisë Demokratike, Ilda Dhori tha se platforma e prezantuar nga kryetari i Grupit Parlamentar Enkelejd Alibeaj është e vonuar.
Në emisionin “Now” në “Euronews Albania”, Dhori u shpreh se platformë duhet të prezantohej menjëherë sapo Lulzim Basha dha dorëheqjen si kryetar i PD-së.
“Personalisht platformën e konsideroj të vonuar. Duhej të ishte prezantuar menjëherë pas dorëheqjes së Bashës, në mënyrë që të kishim kohë të mjaftueshme që të siguronim përfshirjen e të gjithë faktorëve”, tha deputetja.
Dhori ka dhënë miratimin e saj për platformën e Alibeajt, ndonëse nuk e ka firmosur ende.
Sipas saj, duhet të gjendet një mirëkuptim midis dy palëve dhe të sigurohet gjithëpërfshirja për çdo proces brenda Partisë Demokratike.
LEXONI GJITHASHTU
