Plot me të rinj, publikohet fotoja brenda vagonave të trenit pak para përplasjes

Mediat greke kanë publikuar pamje nga brenda trenit të udhëtarëve pak përpara përplasjes fatale që i mori jetën të paktën 57 personave.

Pamje nga vagoni numër 3 i trenit fatal IC 62 pak minuta para përplasjes së rëndë në Tempi është publikuar nga mediat greke Protothema.

Siç shihet edhe në foto, vagoni është i mbushur plot dhe pasagjerë, shumica të rinj të cilët janë ulur në vendet e tyre pa asnjë paralajmërim për tragjedinë që do të pasojë.

Gazetari i Euronews Albania, Xhensil Shkëmbi, raportoi nga Greqia se 56 persona rezultojnë të zhdukur në aksidentin e ndodhur nga përplasja e trenave në afërsi të Larisas.

Sipas gazetarit, tashmë misioni i kërkim-shpëtimit është fiksuar në gjetjen e mbetje trupore apo sende personale në mënyrë që të bëhet identifikimi i viktimave.

Deri më tani sipas gazetarit të Euronews Albania rezulton se mes tyre janë edhe katër shqiptarë.

LEXONI GJITHASHTU:

• “S’jemi heronj”- Historia e të rinjve që shpëtuan dhjetëra jetë nga treni në Greqi
• Gazetari i Euronews nga Greqia: 56 të zhdukur nga aksidenti, mes tyre 4 shqiptarë