“Po negociohet me autorin e vrasjes së biznesmenit”, Hoxha: Është brenda territorit

Gazetari Artan Hoxha tha në emisionin Now në Euronews Albania se Kamber Sul#e, autori i dyshuar i vrasjes së biznesmenit italian në Tepelenë ndodhet brenda territorit të vendit dhe policia është duke negociuar me qëllim që të vetëdorëzohet.

Hoxha theksoi se në kushtet e vetëdorëzimit, autori mund të përfitojë edhe lehtësirat që parashikon ligji pas nuk bëhet fjalë për një ngjarje kriminale të mirorganizuar.

“Personi është brenda territorit dhe kjo është gjë e provuar pasi aktualisht ka negociata për vetëdorëzimin e tij, duke i ofruar atij me vetëdorëzim edhe rrethana lehtësuese, sepse ngjarja në vetvete nuk është një ngjarje e mirëorganizuar ai mund të përfitojë nga kjo. Nga aq sa kam mësuar duke qenë se ngjarja ka ndodhur në këto rrethana po negociohet me njerëz të afërt që të dorëzohet duke përfituar ato që parashikon ligji. Ai mund të sqarojë pse ai ka marrë këtë vendim dhe pse u ndodh aty, për këtë gjë policisë i intereson shumë që ta mbyllë këtë histori. Fakti që po negociohet do të thotë që është brenda territorit, nuk ka dalë”, tha Hoxha.

LEXONI GJITHASHTU:

• FOTO/ Ky është biznesmeni italian i cili u gjet i vrarë në Tepelenë
• Identifikohet biznesmeni italian që u vra në Tepelenë, pronar i një fabrike tullash