“Po s’bëre like, ikën nga puna”- Berisha thirrje Zuckerberg dhe Musk për Ramën

Kryetari i Partisë Demokratike Sali Berisha, deklaroi gjatë konferencës për shtyp këtë të premte, se qeveria po terrorizon punonjësit e administratës që të bëjnë like dhe komente në rrjete sociale për kryeministrin.

Berisha tha se Partia Socialste ka ndërtuar një aplikacion që kontrollon like-t dhe komentet në facebook të administratës shtetërore.

Kreu i PD i bëri thirrje drejtuesit të Twitter Elon Musk, dhe atij të Facebook Mark Zuckerberg që të ndalojnë këtë praktikë abuzimi në rrjetet e tyre sociale.

“Unë i bëj thirrje Mark Zuckerberg, Elon Musk, të ndëshkojnë këtë praktikë të abuzimit në rrjetet sociale nga një njeri që nuk ka asnjë parim, që terrorizon punonjësit e thjeshtë, dhe të heqin këtë të drejtë derisa të anulojnë këtë aplikacion famëzi të kontrollit të qytetarëve.

PD do konsiderojë në mbrojtje të qytetarëve shqiptarë, edhe një proces ndërkombëtar ndaj Edi Ramës për këtë çështje.

Ky është terror, ky është turp, ky është depersonalizim.

A mundet një mendje e mbrapshtë të shfrytëzojë më shumë rrjetet dixhitale? Kur nuk e duan, nuk e duan. Arrogant, hajdut, njeri që është bërë simbol i vjedhjes. Si mund ta duan njerëzit atë.

Tani shpik aplikacionin, nëse nuk më bën ‘like’, ikën nga puna. Absolutisht. Mos vidh, ky është i gjithë ilaçi.

Çdo shqiptar e ka marrë vesh se ky vjedh, se është hajdut kongjenital, i papërmbajtur”, tha Berisha.

LEXONI GJITHASHTU: 

• Berisha: Alda Klosi bashkëpunoi me Rozetën për të larguar paratë
• Berisha sulmon Alda Klosin: Kushedi sa apartamente ka në Dubai
• “Dritan, nuk je vetëm”- Rama merr pjesë në prezantimin e librit të Abazoviçit