Po transportonte 5 emigrantë ilegalë, në pranga 29-vjeçari i dënuar më parë në Angli

Një 29-vjeçar, është arrestuar ditën e sotme në Elbasan pasi po transportonte 5 emigrantë të paligjshëm, dhe nuk iu bind urdhrit të policisë për të ndaluar.

Në kuadër të operacionit policor të koduar “Last time”,  është vënë në pranga personi me iniciale, E.P banues në Tiranë, ndërkohë akuzohet për përsritje të e veprave penale “Ndihma për kalim të paligjshëm të kufijve” dhe “Mosbindja ndaj urdhrit të punonjësit të policisë”.

29-vjeçari i arrestuar, sipas policisë ka qenë i dënuar më parë, në Angli, për disa vepra penale.

“Në aksin rrugor Elbasan – Peqin, shërbimet e Policisë i kanë bërë shenjë ndalimi automjetit tip “Hyundai”, me drejtues shtetasin E. P., i cili nuk e ka ndaluar automjetin, por ka tentuar të largohet me shpejtësi dhe për pasojë ka dalë nga rruga kryesore.  Pas ndjekjes nga Policia, ky shtetas është ndaluar së bashku me automjetin që drejtonte, me të cilin po transportonte 5 emigrantë të paligjshëm, kundrejt fitimit, me qëllim kalimin drejt vendeve të BE-së. “- njofton policia.

Materialet i kaluan Prokurorisë, për veprime të mëtejshme procedurale.

LEXONI GJITHASHTU: 

• Kapet ”tmerri” i biçikletave në Tiranë, si funksiononte rrjeti
• E reja lë makinën ndezur te sheshi “Univers”, 18-vjeçari e vjedh dhe largohet