“Policët në aksion të pambrojtur”, Ahmeti: Nuk kanë kushtet e duhura e as paguhen

Ish-shefi i Policisë, Krenar Ahmeti në lidhje me vdekjen e të riut Lear Kurti ditën e djeshme, tha se tani duhet të ruhet qetësia deri në përfundim të hetimeve.

Në një intervistë për Euronews Albania, Ahmeti theksoi ndër të tjera se policët duhet të trajnohen në mënyrë që ngjarje të tilla të minimizohen.

“E rëndësishme është të dalë në dritë se si kanë operuar punonjësit e policisë. Në këto momente duhet të ruajmë qetësinë, t’ua lemë specialistëve të shprehen, organeve të hetimit. Kështu ngjarjesh ka pasur ka dhe do të ketë, çështja është se si do t’i minimizojmë. Minimizimi i problematikës do të sjellë rritjen e besimit te punonjësit e policisë. Policët duhet të trajnohen, nuk bëhen gjërat me urdhra. Policia është procedurë”- tha ai.

Sipas tij, nëse punonjësi i policisë nuk është vetë i sigurt as popullit nuk i jep siguri.

“Ne s’ia kemi plotësuar kushtet policisë. Policët në aksion janë të pambrojtur”- shtoi Ahmeti.

LEXONI GJITHASHTU: 

• Berisha: Për karrigen e tij, Rama i gatshëm të zbatojë urdhrat e Vuçiç dhe Erdogan
• Sekuestrimi i 500 mijë eurove, arrestohet pronari i agjencisë, drejtonte autobusin
• Pezullohen nga puna punonjësit e policisë që shoqëruan 32-vjeçarin Lear Kurti