Polici i turnit paralajmëroi se Ilvi Meta mund të vetëvritej, thotë KSHH

6 Maj 2022 | 15:10

Komiteti Shqiptar i Helsinkit thotë se ngjarja tragjike e ndodhur dy ditë më parë në Komisariatin e Kavajës, ku 31-vjeçari Ilvi Meta vari veten, mund të shmangej.

KSHH thekson se vëzhguesit e tyre verifikuan nga afër kushtet e dhomës së sigurisë ku ishte vendosur viktima, prej nga rezultoi se ajo nuk përmbushte kriteret e duhura.

Në raportin e KHSH nënvijëzohet fakti se në librin e dorëzimit të shërbimit, punonjësi përgjegjës ka identifikuar rrezikun për tentativë vetëvrasjeje të këtij shtetasi, por i riu nuk i është nënshtruar asnjë ekzaminimi mjekësor siç e parashikon kodi penal.

“Duke këqyrur në librin e dorëzimit të shërbimit të përgjegjësve të dhomave të sigurisë, nga ana e P.B, në datën 04.05.2022 në orën 19:00. Tërheq vëmendjen se në këtë libër është shënuar si porosi për personin që do të merrte në turnin e radhës, se duhej t’i kushtohej një vëmendje e veçantë të arrestuarit Ilvi Meta, pasi ky i fundit mund të tentonte të vetëvritej. Shënimi në këtë libër është firmosur nga P.B, i cili ka qenë duke lënë turnin, si dhe nga G.H i cili është punonjësi që ka marrë turnin si përgjegjës i dhomave të sigurisë”, thuhet në raport.

Një tjetër fakt që bie në sy nga vazhdimi i KSHH është se njëri prej punonjësve që kishte qënë prezent në kontrollin fizik të të ndjerit, kishte deklaruar se nuk i është gjetur asnjë lidhëse të ndjerit, si dhe bluza që ai mbante veshur nuk kishte kapuç.

31-vjeçari Ilvi Meta u vetëvar mbrëmjen e së enjtes në Komisariatin e Kavajës, disa orë pasi ishte shoqëruar për një vjedhje.

 

LEXONI GJITHASHTU:

 

Home Kryefaqja
Shiko në: YouTube
Lajme të Sugjeruara

Gjendet i mbytur një 62-vjeçar në liqenin e Viroit në Gjirokastër

Një person është gjetur i pajetë në ujërat e liqenit të Liqeni i Viroit, në hyrje të Gjirokastër. Sipas informacioneve paraprake, viktima është një burrë...
19:48 | 19/06/2026

Aktivistët dhe qytatarët nisin marshimin nga sheshi “Skënderbej” drejt Kryeministrisë

Me thirrjet “Erdhi uragani, erdhi rinia, çohuni djema, Rama jep dorëheqjen, ju erdhi fundi, Rama prite popullin se po vjen, Rama në bug Berisha në...
19:37 | 19/06/2026

Porto Palermo, nxirren nga deti dy predha të Luftës së Dytë Botërore

Dy predha luftarake, të mbetura në fund të detit në Gjirin e Porto-Palermos, u nxorën këtë të premte në sipërfaqe gjatë një operacioni të kryer...
19:01 | 19/06/2026