“Polici që u vetëvra kishte probleme me komshiun, ndaj u pezullua”-gazetari

Gazetari Eraldo Harlicaj, tha këtë të premte në “Good Morning Albanians” se vetëvrasja e nënkomisarit , Arben Pjeçi ishte e papritur, pasi ai kishte komunikuar me avokatine tij për të ankimuar masën e pezillimit të tij.

Ishte konflikti me komshiun, që përfundoi me plagosje, arsyeja që atij iu kërkua largimi nga detyra. Sherri ka nisur mes grave të fqinjëve dhe më pas ka vijuar mes burrave. Pas sherrit në vitin 2022 e kanë denoncuar dhe kanë nisur hetimet që çuan në gjykimin e tij.

“Nënkomisari e kishte marrë me gojë shkarkimin e tij, ndërsa ditën e djeshme priste shkarkimin me shkrim. Sipas avokates dënimi i tij nuk ishte i mjaftueshëm për ta nxjerrë jashtë sistemit të policisë.

Fakti që kishte bërë këtë shërbim prove nuk ishte mjaftueshëm për ta pezulluar nga  puna. Ai kishte lënë takim me avokaten që sapo të merrte letrën e pezullimit, në mënyrë që të bënte ankimimin dhe të bënte të gjitha hapat ligjore. Ai ishte i bindur për ta vazhduar këtë proces e për të mos dalë nga rradha e policisë”,-tha gazetari.

LEXONI GJITHASHTU:

• Vetëvrasja e policit/ Eksperti: 35 vite në shërbim, e hodhën në rrugë brenda ditës
• Ish-efektivi i RENEA-s u vetë-plagos me armë zjarri në Tiranë, reagon Policia