Policia mbërrin në selinë blu, kërkohet sekuestrimi i pasaportës së Berishës

Shefi i Sektorit Kundër Krimit Ekonomik në Policinë e Shtetit, Gentjan Ndoji, është paraqitur mbrëmjen e kësaj të shtunë në selinë e Partisë Demokratike, për të zbatuar masën e sigurisë “Detyrim paraqitje”, të caktuar nga GJKKO në adresë të ish-kryeministrit.

Gazetari Eni Ferhati zbuloi se kemi të bëjmë me një procedurë standarde, ku Berisha në cilësinë e të akuzuarit duhet të mbajë kontakte me Policinë e Shtetit dhe t’i dorëzojë atyre për llogari të SPAK pasaportën.

Berisha ka qenë i pranishëm në ambientet e selisë blu dhe ka zhvilluar takimin me të dërguarit nga Policia e Shtetit, pas masës së sigurisë të GJKKO-së.

“Është paraqitur shefi i sektorit Kundër Krimit Ekonomik në Policinë e Shtetit, Gentjan Ndoji së bashku me një oficer të Drejtorisë Qëndrore Hetimore për të bërë të mundur ekzekutimin e masës “Detyrim paraqitje” dhe ndalimit të daljes jashtë shtetit për shteteasin Sali Berisha në bazë të akuzës për Korrupsion pasiv kryer në bashkëpunim që ka ngritur SPAK për ish-zëvendëskryeministrin, aktualisht deputet i parlamnetit.

Në bazë të procedurave standarde zoti Berisha duhet t’u dorëzojë oficerëve dokumentin biometrik, pasaportën biometrike me qëllim që ky dokument të sekuestrohet nga Prokuroria e Posaçme”, tha Ferhati.

LEXONI GJITHASHTU:

• FOTO-LAJM/ Momenti i arrestimit të Jamarbër Malltezit në aeroportin e Rinasit
• Ku i gjeti milionat Malltezi që ndërtoi kompleksin? Përgjigjet Berisha
• A ke frikë nga burgu? Berisha: I përgatitur për çdo gjë, do qëndroj me gjithë forcën