“Policia mbeti viktimë e aksionit në MEK”, Rrumbullaku: Kemi 15 të lënduar

“Hasëm në rezistencë pasi konstatuam paligjshmëri”, kështu tha drejtori  i përgjithshëm i policisë Muhamet Rrumbulklaku në një konferencë për mediat ku u shpreh se në asnjë moment nuk është përdorur dhunë nga policia ndaj rezidentëve të MEK, por sipas tij ka qenë e kundërta.

Sipas tij ishte policia ajo që mbeti viktimë e dhunës, pasi janë lënduar 15 policë e po ashtu edhe mjete të tyre.

“Gjatë 2 orë kontrolleve u konstatuan paligjshmëri sa u takon pajisjeve kompjuterike, atëherë filloi një rezistencë e të gjithë kampit, duke u përballur me policinë dhe duke mos lejuar kontrollin e policisë. Në asnjë rast nga policia nuk është ushtruar dhunë mbi rezidentët. U është kërkuar drejtuesve të MEK-ut të flisnin me ta dhe të ulnin rezistencën, por nuk gjetëm mirëkuptimin e tyre.

I vetmi mjet i përdorur kanë qenë sprajt individual, i cili nuk solli asnjë pasojë mjekësore mbi rezistentët. Ne kemi mbetur të dëmtuar, 15 punonjës policie, janë dëmtuar edhe mjete policore, ndërsa nga ana e tyre janë 21 të  lënduar, 15 prej tyre i kanë lënë tashmë qendrat spitalore dhe janë kthyer në banesa”,-tha Muhamet Rrumbullaku.

LEXONI GJITHASHTU:

• VIDEO| Muxhahedinët iranianë protestojnë përpara ambasadave të Shqipërisë në Europë
• “Grupi i Bardhit” kundërshton mbledhjen e Këshillit Kombëtar: Duke nisur nga sot…