Policia e Shtetit u ka bërë thirrje të gjithë qytetarëve që të mos japin të dhënat e llogarive bankare në lojërat e paraqitura në rrjete sociale si lojëra ku mund të fitosh para.
Përmes një komunikate për media, uniformat blu këshillojnë qytetarët që të mos bien pre gjatë përdorimit të aplikacionit të quajtur “Plinko”.
Sipas policisë pretendimet se nëpërmjet kësaj loje mund të fitosh para janë të rreme.
Policia nënvizon se për ta bërë të besueshme këtë mashtrim, përdoren videot e njerëzve të famshëm që luajnë këtë lojë, por që nuk janë të vërteta.
Policia shton se të dhënat personale dhe ato bankare që jepen në këtë aplikacion mund të keqpërdoren.
“Ofruesit e lojërave kërkojnë numrat e llogarive bankare. Kjo është një skemë për marrjen e të dhënave të llogarive bankare, nga të cilat mund t’iu merren shuma monetare.
Nisur nga rastet e shtuara të përdorimit të këtij aplikacioni, kryesisht nga nxënësit, me qëllimin për të fituar para, Policia e Shtetit apelon për prindërit që të tregohen të kujdesshëm, për të mos lejuar fëmijët që të përdorin këtë aplikacion dhe në rastet kur ata e përdorin, të tregojnë kujdes, pasi duke dhënë të dhëna personale dhe të llogarive bankare, mund t’iu tërhiçen para nga llogaria juaj”, thekson në njoftimin e saj policia.
LEXONI GJITHASHTU:
- I kërkuar nga Italia për trafik kokaine, arrestohet në qytetin e Lezhës 28-vjeçari
- Kundërshtoi me forcë policin për gjobën, arrestohet 37-vjeçari në Malësinë e Madhe