I kërkuar nga Italia për trafik kokaine, arrestohet në qytetin e Lezhës 28-vjeçari

Një 28-vjeçar ka përfunduar në prangat e Policisë së Shtetit, pasi rezultonte në kërkim si i akuzuar për pjesëmarrje në organizatë kriminale në Itali, për trafikim të lëndëve narkotike.

Alban Lleshi u arrestua nga forcat “Operacionale” në qytetin e Lezhës, teksa doli nga pallati ku banonte dhe nisi të ecte i pashqetësuar në rrugë.

Në vitin 2023, Gjykata e Bolonjës i ka caktuar këtij shtetasi, masën e sigurisë “Arrest në burg”, për veprën penale “Trafikimi i narkotikëve”, kryer në kuadrin e organizatës kriminale.

Gjatë muajit nëntor të vitit 2022, ky shtetas ishte pjesë e një organizate kriminale që merrej me trafikimin e dogave  të forta si kokainë e heroinë, nga Belgjika në Itali.

Policia bën me dije se po vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali.

“Si rezultat i informacioneve të siguruara nga inteligjenca policore dhe të shkëmbyera me partnerët në Itali, për vendndodhjen e një shtetasi shqiptar, të shpallur në kërkim ndërkombëtar, për llogari të Italisë, Drejtoria e Forcës së Posaçme Operacionale, gjatë operacionit policor të koduar “Operacionalja 15”, kapi në Lezhë dhe vuri në pranga shtetasin A. Ll., 28 vjeç, i lindur në Pukë”, thuhet në njoftimin e policisë.

LEXONI GJITHASHTU:

• Emri| Qëlloi me armë zjarri drejt 2 policëve, ekstradohet nga Parisi 37 vjeçari
• Kundërshtoi me forcë policin për gjobën, arrestohet 37-vjeçari në Malësinë e Madhe