“Policia u kërkoi të ndalonin”-Çipa jep detaje nga aksidenti me 8 viktima

Drejtori i policisë së Gjirokastrës, Adrian Çipa dha një deklaratë për mediat lidhur me aksidentin e rëndë të ndodhur në Këlcyrë ku humbën jetën 8 persona. Ai tha se drejtuesi i mjetit dyshohet të jetë nga Shkodra, ndërsa 7 viktimat e tjera dyshohet se janë emigrantë të paligjshëm.

Gjithashtu Çipa tha se për shkak të shpejtësisë makina ka tërhequr vëmendjen e patrullës së policisë, të cilët i kanë kërkuar të ndalojë, por në këtë moment makina ndryshoi drejtimin dhe ndonëse patrulla e ndoqi pas, arriti ta gjente automjetin vetëm dy orë më vonë në afërsi të Vjosës.

“Rreth orës 2 e 20 të datës 2, në afërsi të Këlcyrës ka hasur një automjet i cili po vinte me shpejtësi tej normave të lejuara. Kur i bënë shenjë për të ndaluar, automjeti është kthyer menjëherë dhe është nisur në drejtim të qytetit të Përmetit. Patrulla e policisë e cila ishte në shërbim, me automjetin e vetë është përpjekur të marrë në kontroll vizual automjetin, të cilin e ka ndjekur deri në afërsi të vendit të ngjarjes.

Menjëherë ka informuar sallën operative dhe ka transmetuar të gjithë informacionin. Rreth orës 4 pa pesë duke qenë se nuk ishte konstatuar automjeti, patrulla ka filluar inspektimine zonës. Në zonën ku ka ndodhur aksidenti ka parë shenja të një aksidenti rrugor dhe më pas ka mundur të lokalizojë automjetin i cili kishte rënë në afërsi të lumit Vjosa”,-tha drejtori i policisë së Gjirokastrës.

LEXONI GJITHASHTU:

• “2 trupa dyshohet se janë në makinën e shkrumbuar”-Kryetari i Bashkisë Këlcyrë
• Aksidenti me 8 viktima në Këlcyrë, Eksperti: Duhet analizuar shpejtësia dhe rruga