Policia zbardh vrasjen në Shëngjin, Rrumbullaku: Kemi lëshuar 6 urdhër arreste

Drejtori i Përgjithshëm i Policisë së Shtetit, Muhamet Rrumbullaku deklaroi në një konferencë për mediat se kanë zbardhur vrasjen e Ardian Nikulajt në Shëngjin. 6 urdhër arreste janë lëshuar.

Ndërsa tregoi detaje nga ngjarja, Rrumbullaku shtoi se grupi hetimor i posaçëm që u ngrit menjëherë pas krimit, ka grumbulluar një sërë provash të vlefshme.

Nga marrja e deklarimeve apo këqyrja e pamjeve filmike, është dokumentuar i gjithë intinerari i autorit të vrasjes dhe i personave të tjerë të përfshirë.

“Konkretisht shtetasi E.H., me shtetësi shqiptare dhe britanike, shtetasi R.R.S., shtetas portugez, shtetasi H.J.S., shtetas britanik, shtetasja H.B., shtetase britanike, shtetasi H.N., shtetas britanik, shtetasi S.P.H., shtetas britanik,” – u shpreh Rrumbullaku.

Ai tregoi se po bashkëpunojnë me autoritetet ndërkombëtare për të kapur këta persona që janë larguar nga vendi pas kryerjes së krimit.

LEXONI GJITHASHTU:

• Vrasja e Nikulajt| Autori ndaloi të furnizonte motorin, fliste gjuhë të huaj
• Si u gjetën rrobat e vrasësit të Nikulaj, ky është objekt në ndërtim ku u fsheh