Vrasja e Nikulajt| Autori ndaloi të furnizonte motorin, fliste gjuhë të huaj

Motori i përdorur nga autori i vrasjes së biznesmenit Ardian Nikulaj në Shëngjin është furnizuar në një pike karburanti në rrugën Lezhë-Shkodër.

Kjo është zbuluar pas këqyrjes së kamerave të sigurisë dhe policia ka shoqëruar për të pyetur punonjësin e karburantit i cili ka komunikuar me drejtuesin e motorit.

Ai ka pasur veshur të njëjtat rroba dhe ka folur në gjuhë të huaj në momentin kur ka kërkuar për të furnizuar mjetin. Më pas është larguar.

Ky mjet dyshohet te jetë blere nga një vajzë në qytetin e Shkodrës, por për shkak të sekretit hetimor nuk jepen detaje. Diçka e tillë pritet të ndihmojë hetuesit për të shkuar në gjurmët e autorit.

Ardian Nikulaj u vra me armë zjarri të mërkurën në biznesin e tij në Shëngjin. Ngjarja ndodhi në lokalin “Coral” në pedonale të Shëngjinit, që është në pronësi të viktimës.

LEXONI GJITHASHTU:

• Si u gjetën rrobat e vrasësit të Nikulaj, ky është objekt në ndërtim ku u fsheh
• Policia drejt zbardhjes së vrasjes së Nikulaj, gjenden rrobat e ekzekutorit