Policia drejt zbardhjes së vrasjes së Nikulaj, gjenden rrobat e ekzekutorit

Euronews Albania mëson se policia ka gjetur disa rroba në një banësë të braktisur në Gjadër që dyshohet se i përkasin autorit që ekzekutoi biznesmenin Ardian Nikulaj.

Autori ka qëndruar disa kohë tek banesa ku dhe dyshohet se ka pritur lëvizjet e anglezit për të marrë sinjalin për të ekzekutuar Nikulajn.

Dyshohet se shtetasi anglez ka pasur akses te kamerat e sigurisë.

Autoritetet besojnë se shkak i kësaj ngjarje është gjakmarrja, ndërkohë që janë shpallur në kërkim ndërkombëtare 5 persona.

Në orët në vijim pritet që të  ketë një deklaratë zyrtare nga Drejtoria Vendore e Lezhës në lidhje me ktë ngjarje.

Si informator i mundshëm i vrasësit është dhe një shtetas anglez, i cili ndodhej në ambientet e lokal “Coral” kur u ekzekutua biznesmeni.

Shtetasi anglez ndodhej prej 5 ditësh në Shëngjin dhe është larguar direkt pas vrasjes. Ai përdori dy taksi për të shkuar në aeroportin e Rinasit, fillimisht mori taksinë e parë nga Shëngjini në Fushë-Krujë dhe taksinë e dytë nga Fushë Kruja në Rinas.

Në dëshminë e dhënë përpara grupit hetimor, pronari i hotelit në Shëngjin, ku qëndroi shtetasi anglez, ka thënë se pas ngjarjes ai është larguar menjëherë i shqetësuar dhe ka thënë se nuk do të kthehet më kurrë në Shqipëri.