“Skuterin e futi në ‘Defender’ në Kukël”- Çfarë kapën kamerat nga largimi i vrasësit

Euronews Albania ka mësuar detaje të reja nga vrasja e biznesmenit në Shëngjin Ardian Nikulaj.

Burime nga grupi hetimor bëjnë me dije se autori është larguar nga vendi i ngjarjes me një mjet tip skuter dhe ka humbur gjurmët nga kamerat në fshatin Gjadër. Ndërkohë që nga kamera të tjera në fshatin Kukël, është fiksuar momenti kur ekzekutori fut mjetin skuter në një automjet tip “Defender” që e priste aty dhe largohet në drejtim të Velipojës.

Gazetarja e Euronews Sara Demushi nënvizoi se për grupin hetimor është ende i vështirë identifikimi i ekzekutorit, pavarësisht zbulimit të intinerarit të tij.

“Ekzekutimi i Ardian Nikulaj mbetet ende pa autor pasi identifikimii tij mbetet ende tepër i vështirë për grupin hetimor. Deri në këto momente dyshohet se pasi ka ekzekutuar biznesmenin është larguar nga vendi i ngajrjes me motor, por kamerat e sigurisë kanë arritur të kapin largimin e tij deri në zonën e Gjadrit, kjo dhe për shkak se më tej në zonë nuk ka kamera sigurie.

Ajo që bëhet e ditur së fundmi është një automjet tip Defender në fshatin Kukel ka pritur autorin. Në momentin që është takuar me personin që e priste, ekzekutori ka futur skuterin në mjetin tip “Defender” dhe nga informacionet e bëra me dije  dyshohet se është drejtuar në drejtim të Velipojës”, tha Demushi.

LEXO GJITHASHTU:

• VIDEO| Momenti kur vrasësi i Ardian Nikulaj largohet me “Defender” me targa angleze
• “Nuk do të kthehem kurrë këtu”- Dyshimet mbi anglezin dhe roli në vrasjen e Nikulaj