Si u gjetën rrobat e vrasësit të Nikulaj, ky është objekt në ndërtim ku u fsheh

Është zbuluar se ku u fsheh vrasësi i Ardian Nikulajt në Shëngjin, pak para se të kryente krimin.

Euronews Albania ka siguruar foton e një pallati në ndërtim ku autori ka qëndruar për disa orë, para se të nisej drejt ambienteve të lokalit në pedonale, në pronësi të të ndjerit Nikulaj.

Ndërkohë, burime bëjnë me dije se rrobat e tij janë gjetur në Gjadër.

Historia:

Ardian Nikulaj u vra me armë zjarri të mërkurën në biznesin e tij në Shëngjin. Ngjarja ndodhi në lokalin “Coral” në pedonale të Shëngjinit, që është në pronësi të viktimës.

Ai ka qenë kryetari i PSD në Lezhë, kandidat për anëtar të këshillit bashkiak në këto zgjedhje dhe ish-drejtor i ALUIZNI për Lezhë. Ishte pronar baresh dhe hotelesh dhe zotëronte një nga resortet shumë të njohur te Rana e Hedhun.

Nikulaj kishte precedentë të mëparshëm kriminalë; në 2003 ishte dënuar me 4 muaj burg për armëmbajtje pa leje dhe ishte dënuar me gjobë në 2006 për kontrabandë. Në vitin 2003 e ndërroi mbiemrin në 2003 nga Marku në Nikulaj.

Një nga pistat ku po heton prokuroria lidhur me vrasjen e tij është aktiviteti politik. Por nëse i referohemi të shkuarës së tij  një pistë e mundshme është hakmarrja. Në vitin 2000 anëtarë të fisit Palaj i kanë vrarë vëllain dhe pas kësaj janë vrarë 2 persona nga fisi Palaj. Prej rreth 2-3 muaj ai lëvizte me automjet të blinduar.

LEXONI GJITHASHTU:

• Policia drejt zbardhjes së vrasjes së Nikulaj, gjenden rrobat e ekzekutorit
• Vrasja e Nikulaj, gazetari: Flitet hasmëria, pse s’përmendet tenderi