Policja u vetëvra me armën e shërbimit, policia arreston një 28-vjeçar në Kamëz

Një 28-vjeçar është arrestuar në Kamëz, me akuzën për pengimin e zbulimit të së vërtetës. Bëhet fjalë për ngjarjen ku efektivja 21 vjeçare Aldorjana Lloshi u vetëvra me armën e shërbimit.

28-vjeçari dyshohet se pasi njoftoi policinë për vetëvrasjen e efektives, ka fshirë mesazhet nga telefoni i saj.

“Në vijim të informacionit paraprak të dhënë ditën e djeshme, ku në rrugën “Todi Shkurti”, është vetëvrarë me armën e shërbimit shtetasja A. L., 21 vjeçe, punonjëse policie pranë Komisariatit të Policisë Nr. 5, specialistët për Hetimin e Krimeve të Komisariatit të Policisë Nr. 1, arrestuan shtetasin E. N., 28 vjeç, banues në Kamëz, për veprën penale “Veprime që pengojnë zbulimin e së vërtetës”.

Ky shtetas dyshohet se ditën e djeshme ka shkuar në banesën e shtetases A. L., dhe pasi ka njoftuar Policinë për ngjarjen e ndodhur, ka fshirë mesazhet me shtetasen A. L., në telefonin e saj.

Materialet i kaluan Prokurorisë”,-thuhet në njoftimin e policisë.

Ceremonia mortore e të ndjerës do të zhvillohet të dielën te Kisha Katedrale në Rrëshen.

LEXONI GJITHASHTU:

• Akuzohet se çoi gruan drejt tentativës për vetëvrasje, bie në pranga 43-vjeçari
• I dashuri fshiu mesazhet nga telefoni i polices që u vetëvra, çfarë dyshohet