Politika në 31 vite ka dështuar të japë shpresë për rininë, thotë deputeti

Deputeti Etjen Xhafaj thotë se teknologjia dhe inovacioni do të jenë sektorë të rëndësishëm në të ardhmen.

Sipas tij politika shqiptare në këto 31 vite ka dështuar tek misioni për të shpërndarë shpresë sidomos tek të rinjtë, duke iu referuar largimit masiv.

I pyetur nga të rinjtë në emisionin “RinOn” se a ka qeveria plan për parandalimin e largimit të rinjve, tha se plani ka nisur duke u zbatuar prej 2014.

“Ka nisur me reformën për Arsimin e Lartë dhe në disa sektorë. Ajo që nuk thuhet shpeshherë është se këtu ka një numër shumë të madh të kthyer nga emigracioni edhe pse kanë pasur mundësi që të punojnë jashtë”, tha Xhafaj.

Deputeti tha se duhet më tepër vëmendjen për përgatitjen e të rinjve për tregun e punës pasi duke iu referuar studimeve të fundit, ai tha se profesionet më të kërkuara në 2040 nuk janë shpikur ende.

LEXONI GJITHASHTU:

• Të rinjtë shqiptarë me sytë nga Europa për vende pune
• Të rinjtë të shqetësuar për mungesën e shërbimeve në komunitet