Festën e Kurban Bajramit e kanë uruar krerët më të lartë të shtetit në vend.

Presidenti Bajram Begaj shkruan se Kurban Bajrami është akt arsyeje dhe vullneti, me anë të të cilit ne kuptojmë madhështinë e mesazhit hyjnor dhe përpiqemi të përmbushim rolin tonë për të bërë të mira e për t’iu gjendur pranë atyre që nuk kanë mundësi.

Vetëm ky reflektim i gjithsecilit thotë kreut i shtetit, bën të mundur një shoqëri më të mirë e më të drejtë.

Edhe kryetarja e kuvendit, Lindita Nikolla i është bashkuar urimeve duke thënë se kjo ditë na frymëzon që dashurinë për Zotin ta kemi edhe për njëri-tjetrin.

Ndërsa kryeministri Rama përmes një fotografie ka shkruar Gëzuar Festën e Kurban Bajramit.

Me rastin e festës së kurban Bajramit, Lulzim Basha ishte për vizitë në selinë e komunitetit Mysliman të Shqipërisë duke uruar sa më shumë mbarësi, fat e begati për të gjithë familjet shqiptare.

Edhe kryetari i bashkisë Tiranë, Erion Veliaj iu bashkua urimeve duke kërkuar që të lidhet mënjanë balta dhe zilia për njëri-tjetrin.

Nga Kavaja presidenti i partisë së lirisë, Ilir Meta përcolli urimin e tij bashkë me një premtim duke thënë se “do t’u kthejmë pronat komuniteteve fetare!”