“Politikanët janë produkt i yni”, Prifti i kthehet Qafokut: Jo s’janë të mitë

Gazetari Roland Qafoku dhe pedagogu Rezart Prifti komentuan në Euronews Albania të dhënat e Barometrit lidhur me pëlqyeshmërinë e liderëve.

Sipas Priftit, Shqipëria nuk do kishte pasur 1 mln të ikur në 20 vjet nëse shqiptarët do pëlqenin këta njerëz.

“Në 2021 duheshin vetëm 40 mijë vota për të rrëzuar qeverinë, nëse nuk do kishte  qenë  basha po ndonjë tjetër. Nëse është kjo pëlqyeshmëria, jemi në rregull”, tha Prifti.

Ndërkohë sipas Qafokut, liderët shqiptarë janë produkt i shoqërisë sonë që sic tha nuk mund të nxjerrë liderë më të mirë se vetja.

“Ata janë produkt i ynë, ata janë ne. Ne nuk jemi popull që mund të nxjerrim liderë më të mirë se vetmja”, tha Qafoku.

“Ata mund të jenë ti, nuk janë unë, s’e  pranoj dot”, u përgjigj Prifti.

Për Qafokun, “ne do nxjerrim këta liderë që kemi nxjerrë nëse shoqëria jonë nuk  ndryshon, duke mos u ankuar vetëm në Facebook dhe të dalin në  protestë vetëm kur i thërret partia”.