Polonia regjistron më shumë migrantë në kufi me Bjellorusinë

Polonia ka regjistruar këtë vit një rritje të konsiderueshme të tentimeve për të hyrë pa autorizim në këtë shtet përmes Bjellorusisë, ka thënë një zyrtar i lartë qeveritar të enjten.

Mes 1 janarit dhe 15 dhjetorit, Garda Kufitare i ka regjistruar 30.000 tentime të tilla, ka thënë zëvendësministri i Brendshëm, Czesław Mroczek, në një debat parlamentar në Varshavë.

Më 2023, shifra totale ka shkuar në rreth 26.000, ndërsa më 2022 ka qenë më shumë se 15.000, sipas Mroczekut.

Polonia dhe Bashkimi Evropian akuzojnë liderin autoritar bjellorus, Alexander Lukashenka, për dërgimin e migrantëve në këtë kufi të jashtëm të Bashkimit Evropian, me qëllim të rritjes së presionit ndaj Perëndimit.

Në verën e vitit 2022, Polonia e ka siguruar kufirin me Bjellorusinë me gjemba kufitarë prej 5.5 metrash të lartë, si dhe sistem elektronik të vëzhgimit.

Shumica prej këtyre migrantëve që kanë ngecur në kufi shpresojnë të vazhdojnë udhëtimin e tyre drejt BE-së dhe refuzojnë të kthehen në shtetet e tyre.

Bashkimi Evropian akuzon Lukashenkan se po tenton të destabilizojë bllokun si pasojë e sanksioneve ekonomike që Bashkimi Evropian ka vendosur ndaj qeverisë së tij.

Nga ana tjetër, zyrtarët bjellorusë hedhin poshtë akuzat.

LEXONI GJITHASHTU:

• Polonia vlerëson hapjen e bazës amerikane si shenjë të sigurisë së saj
• E rrezikuar nga Rusia e Bjellorusia, Polonia forcon mbrojtjen e kufijve lindorë