Prapaskenat/ A do rikthehet Lulzim Basha? Gazetari zbulon çfarë po zien në PD

Gazetari Ardit Hoxha tha në emisionin Now në Euronews Albania se dorëheqja e Enkelejd Alibeajt nga drejtimi i partisë i hap rrugën mbledhjes së kryesisë për të zgjedhur një kryetar të përkohshëm.

Më tej do jetë këshilli kombëtar që do të caktojë datën e zgjedhjeve për kryetarin e ri sipas parimit 1 anëtar 1 votë.

“Dilema këtu është nëse do kemi një rikthim të Lulzim Bashës për të kandiduar për kryetar të PD apo do të ketë ndonjë tentativë të fundit për t’u bashkuar me grupin tjetër”, tha Hoxha.

Ai tregoi se ditën e sotme Sali Berisha është takuar në selinë e PD me deputetin mbështetës të grupit Alibeaj, Dashnor Sula vetëm pak orë pas takimit me Metën.

“Është interesante duke pasur parasysh balancat e grupit zyrtar të PS, qasjes që ka pasur Sula; që nga një anë mbështeti primaret dhe nga ana tjetër mbështeti Alibeajn si kreu i grupit parlamentar. Me largimin e Këlliçit dhe Boçit, zëra flasin se dy deputetët që i zëvendësuan janë mbështetës të Berishës. Do të duhet të shihet qëndrimi që do të mbajnë kur të votohet kreu i grupit apo do kemi një përpjekje të fundit për t’u bashkuar të dyja pjesët e PD”, tregoi gazetari Hoxha.