“Prej 20 vitesh nuk vesh këpucë”, amerikani: Këmbët më janë forcuar shumë

Për dy dekada, amerikani Joseph DeRuvo Jr., 59 vjeç, ka jetuar një jetë pothuajse tërësisht i zbathur duke shkuar pa këpucë në çdo vend.

Në emisionin “Good Morning Albanians” në Euronews Albania, DeRuvi u shpreh se tanimë shputa e këmbës së tij është bërë më e fortë dhe sipërfaqja e lëkurës më e ashpër,

“Pjesa e shputës së këmbës ka qenë shumë e sheshtëm, kurse tani është bërë akoma më e fortë, sepse janë zhvilluar muskujt. Kjo është një gjë. Sipërfaqja e lëkurës është bërë më e ashpër dhe i reziston motit. Unë jap mësime për Pilates dhe jam gjithmonë i vetëdijshëm për veprimet që bëj. “, theksoi ai.

Pas disa viteve të kaluara si fotograf dhe mësues fotografie, ai tani është i vetëpunësuar, si instruktor Pilates, një profesion veçanërisht i përshtatshëm për të qëndruar pa këpucë.