Presidenti i Koresë së Jugut i mbijeton shkarkimit me vota

Presidenti i Koresë së Jugut, Yoon Suk Yeol, i mbijetoi të shtunën një mocion votëbesimi për përpjekjen e tij të dështuar në fillim të kësaj jave për të vendosur ligjin ushtarak.

Mocioni për shkarkimin e tij nga detyra u paraqit nga gjashtë parti opozitare, duke përfshirë Partinë Demokratike kryesore të opozitës, por ai dështoi kur parlamenti nuk arriti një kuorum minimal prej 200 ligjvënësish.

Për të kaluar, mocioni i shkarkimit kishte nevojë për mbështetjen e të paktën tetë ligjvënësve nga Partia e Fuqisë Popullore të Yoon (PPP) për të arritur pragun minimal prej 200 në parlamentin me 300 vende. Në fund, ishin vetëm tre. Pa kuorumin e kërkuar, mocioni i shkarkimit u anulua.

Aktualisht, partitë opozitare gëzojnë mbështetjen e 192 ligjvënësve, përfshirë edhe kryetarin e Kuvendit. Megjithatë, nga 190 ligjvënës që votuan kundër dekretit të Yoon për ligjin ushtarak gjatë një sesioni urgjent parlamentar gjatë natës të martën, 18 ishin nga PPP.

LEXONI GJITHASHTU:

• Presidenti në Korenë e Jugut urdhëroi arrestimin e liderëve politik
• Presidenti i Koresë së Jugut kërkon falje për shpalljen e gjendjes së luftës